Бистиң школавыста шүлүк бижиирин шенеп чоруур өөреникчилеривиске «Өзүмнер» деп бөлгүм бар. Удуртукчу башкызы: Иргит Шончалай Борисовна. Бөгүн кичээлде бижээн шүлүктери-биле таныжыңар. Башкым силер. Биче чаштан тура алзы Бижип, номчуп өөреткен. «А» деп үжүк бо-дур дээштиң Айтып берген башкым силер. Эге класстан, улуг классче Эдертипкеш, үдевиткен Ам-даа бис дээш сагышсыраар Ажыл-ишчи башкым силер. Шагаана Эрелчин 7 «а» класс Сүрбүзүнүм. Ырак черде даглар ажыр Ыдык чайлаам Сүрбүзүнүм. Кушкаштарның чараш үнү Кулакка бо дыңналып кээр. Сүүр-сүүр бедик хая-даштыг Сүрбүзүнүм угбам чурту. Сактып кээрге, чоргааранчыг Сагыш-сеткил амырай бээр. Чойганмаа Серен-оол 7 класс Эргим авам. Айым, хүнүм чаяалгазы Авыралдыг авайым сен. Аас-кежик сөңнеп чорааш, Азырап каан эргим авам. Азарганчыг бичиимден-не Авам ырын дыңнап өстүм. Урууң мен дээш сагышсыраар Уяежн, чараш эргим авам. Чинчи Ананды 7 класс Мээң дуңмам. Чараш, топтуг мээң дуңмам Чалгааравас кежээпейим. Аялгалап ырлагылаар Аас-кежиктиг дуңмалыг мен. Дуңмам мени дөзеп алган Дуза кадар, шору өскен. Карактары борбалчыңнаан Каткы-хөглүг дуңмалыг мен. Долума Люндуп 6 класс Авам, ачам. Ава кижи чоргааранчыг, Ада кижи ынаныштыг. Эргим ынак авам, ачам Эргеледип өстүрүп каан. Өөрүшкү-маңнайлыг-даа Өг-булевистиң чылыы силер. Авай, ачай силер сеңээ Аас-кежиим сөңнээн силер. Долгар Люндуп 6 класс Өг-бүлем. Ада-ием өстүрүп каан амыр-менди, шөлээн-дир мен. Эргеледип, чассыдып кээр Эриг баарлыг ада-ием. Аас-кежиим үлежиптер Акы-угбам база хөй-ле. Аажы-чаңы берге-даа бол, Амыр-солун мээң бүлем. Менди Салчак 6 класс Угбаларым. Өөредип, айтып, сургаар Өстүрүп каан угбаларым. Кавайымга чайгап чораан Кайгамчыктыг угбаларым. Менден өске дуңмазы хөй Мени черле карактаар-даа. Дөмейлери аажок болган Дөзеп алган угбаларым. Аэлита Агбаа 6 класс Эштерим. Сеткилимни өөртүп чоруур Сеткил-хөңнүм билип кааптар Эштеримниң аажы-чаңы Эң-не чараш, онза улус. Боттарывыс ойнап өскеш, Бот-бодувуска дузааргак бис. Назынымда эдержип кээр Найыралдыг эштерим-дир. Анай-Кара Төре-Мөңге 6 класс Авам. Хүнүң биске эргим кижи Хүлүмзүрээн ававыс-тыр. Эргим ынак авайымга Эргеленип өзүп келдим. Чашкы үем сагыжымда. Чалыы хевээр ынак авам. Айым ышкаш, хүнүм ышкаш, Ам-даа чыры эргим авай! Шуру Хертек 6 класс