Тываның Улустуң чогаалчызы Салим Сазыгович Сүрүң-оолдуң 100 харлаанынга тураскааткан школачылар болгаш башкылар аразынга ыры-шүлүк мөөрейи апрель 24-түң хүнүнде школавыстың чараш залынга болуп эртен. Тыва дыл, чогаал башкызы Доос С.М. кежээни башкарыкчылап эрттирген. Чогаалчының шүлүктерин, басняларын, ырыларын күүсеткен түңнелинде жюри кежигүннери школавыс директору Конгар Б.С., библиотекарывыс Хомушку А.Ч., эге класстар башкызы Конгар С.Ч. олар түңнелдерни үндүргеннер. Шүлүк мөөрейинге 1-ги чергениң дипломун 6 «б» класстың өөреникчизи Олчана Дамыраң, 2-ги чергениң дипломунга 6 «а» класстың өөреникчизи Аюна Очур-оол, 3-кү черде 8 «б» класстың өөреникчизи Алдын-Сай Даржаа олар төлептиг болганнар. Лауреаттар болган өөреникчилеривис 1-ги черде 8 «б» класстан Зарина Хертек, 2-ги, 3-кү чергеде база-ла 8 «б» класстан Вероника Дүнчүн, Баярт Байыс төлептиг болганнар. Эки киришкен өөреникчилеривис 5-ки классчы Шеңне Очур-оол, 6 «б» класстан Анай-Кара Күнзүк, Аюша Хертек, 7 «б» класстан Ай-Санаа Лама, 10-гу классчы Долума Люндуп оларга сертификаттарны тывыскан. Өөреникчилерни грамоталар, сертификаттар болгаш чигирзиг белектер-биле шаңнаан. База ол ышкаш 1 «а» класстың авалары КүжүгетА.Ш., Салчак А.С. чогаалчының басняларын онзагай кылдыр күүсеткеннер. Чогаалчының ырыларын «Сылдысты» хоочун эге класс башкыларывыс Анай-оол А.М, Киниң Д.Б. ыры-хөгжүм башкызы Сарыг-оол Р. Э. баянга үделгези-биле дыка чараш күүсеткеннер. Байыс Б. К., Даржаа Ч.В., Очур-оол Ш. М. башкыларывыс «Колхозчу мен» деп ырыны, «Халдып ор, чолаачы!» деп ырыны Ооржак С.С., Сарык-Деге Р.С., Салчак А. С., 6-гы класстың уруглары «Тракторжу» деп ырыны, Доос.С.М., Очур-оол Ш.М. «Сеңээ» деп ырыны онза чараш күүсеткеннер. Кежээ дургу чогаалчының ыры-шүлүүн күүсеткен өөреникчилеривиске, башкыларывыска четтиргенивисти илереттивис!
#Центрродительскихинициатив #ЦРИРомашка #Годсемьи2024
#минобразованиятыва
#НавигаторыДетства #Росдетцентр #НавигаторыДетства17