Февраль 21 — төрээн дылдар хүнүнде национал школа хөгжүдер институттуң тургусканы «Мээң төрээн дылым» деп онлайн-викторинага бистиң школаның башкылары болгаш өөреникчилери идепкейлиг киришкеннер. Дыл дугайында янзы-бүрү айтырыгларны тывары тывызыксыг болуп, киржикчи бүрүзүнге бодандырып келир сагыш-сеткилди арттырганы чугаажок. Түңнелинде киржикчи бүрүзү сертификаттарны алганнар. Тыва кижиге төрээн тыва дылын билири дээрге чоргаарал-дыр. Кажанда-даа, кандыг-даа байдалдарда тыва дылывысты камнап, салгалдарывыска арттырып, өөредип чоруулуңар деп кыйгырар-дыр бис.