Чогаалчы, прозачы, шүлүкчү Октябрь Кыргысович Туң-оолдуң 80 харлаанынга уткуштур хемчеглер Н.С.Конгар аттыг ортумак школазының тыва чогаал кичээлдеринде болгаш класстан дашкаар кичээлдерде эртип турар. Бөгүн 7 «а » класстың төрээн чогаал кичээлинге школаның библиотекары Хомушку Айлаңмаа Чечек-ооловна база тыва чогаал башкызы Доос Сайлыкмаа Малчын-ооловна чогаалчының допчу-намдарының, чогаадыкчы ажыл-чорудулгазының дугайында база » Дываажаңны көрген кижи» деп номунуң презентациязы-биле таныштырганнар. База » Дываажаңны көрген кижи» деп чечен чугаазын номчааш, утказын сайгарып, чогаалда амгы үениң чидиг айтырыгларын (чааскаанзырал, арагалаашкын, өг-бүле) көдүрүп бижээнин сайгарып чугаалашканнар. Өөреникчилер чогаалды сонуургап, түңнелди кылганнар.
#РДДМТыва #ДвижениеПервых17