Бөгүн, октябрь 13-те, Н.С.Конгар аттыг Бай-Тал ортумак школазынга 5-8 класстар аразынга Тываның Улустуң чогаалчызы Сергей Бакизович Пюрбюнуң 110 харлаанынга тураскааткан » Күскү сесерликке…» деп темалыг литература-хөгжүмнүг кежээни школаның библиотекары Хомушку А.Ч. база тыва дыл башкылары организастап эрттиргеннер. Чогаалчының шүлүктеринге уран номчулга мөөрейи болгаш чогаалчынын сөзүнге бижээн ырларны өөреникчилер болгаш башкылар ырлашканнар. 5-7 класстардан шүлүк мөөрейинге 1-ги черге Сыргыт-оол Чайырлаш, 2-ги черге Салчак Алдар төлептиг болганнар.8-ки классчылардан 1-ги черни Дүнчүн Вероника, 2-ги черни Хертек Зарина, үшкү черни Салчак Алия ээлээннер. Чогаалчының сөзүнге бижээни » Аныяк кадарчы дугайында ырны» 8-ки класстың өөреникчизи Аракчаа Аюш гитараның үделгези-биле ырлап күүсеткеш, көрүкчүлерниң сонуургалын чаалап алган. Оон аңгыда С.Б.Пюрбюнуң » Шынаппайның чугаалары» деп бичии уругларга бижээн чогаалынга хамаарышкан чурук мөөрейинге 1- 4 класстың өөреникчилери идепкейлиг киришкеннер.
#РДДМТыва#ДвижениеПервых17